Во изминатиот период светот беше погоден од глобална пандемија на
корона вирусот (COVID-19). Милиони луѓе требаше да седат дома, често
без можност да се видат со семејството и пријателите.
Ново Нордиск се грижи за своите пациенти, вклучително и за луѓето што
живеат со дебелина и со други сериозни хронични болести. Нашите мисли
се со оние кои се директно засегнати, како и со оние кои се грижат за
член од семејството којшто е засегнат. Ние во Ново Нордиск сме
посветени да обезбедиме непрекинато снабдување со лекови, да ги
поддржиме локалните и здравствените власти и организациите на
пациенти, со цел да направиме сè што можеме за да ги подобриме
снабдувањето со медицинска опрема, истражувачката експертиза и
објектите и да обезбедиме информации со кои ќе ви помогнеме да ги
решите грижите и проблемите врзани со достапноста на нашите лекови
(посетете ја интернет страницата novonordisk.com).
COVID-19 e сериозна закана за јавното здравје, па затоа треба многу
да се внимава за да се избегне. Причината е тоа што постарото
население и луѓето со претходни медицински состојби, вклучително и
дијабетес, хипертензија, срцеви заболувања, белодробни нарушувања и
дебелина со придружните состојби се изложени на зголемен ризик од
компликации и можност за потежок развој на болеста.
Како што наведува Светската
федерација за дебелина (WOF): „Состојбите врзани со дебелината
може да го влошат ефектот на COVID-19“. Неколку професионални
организации за дебелина напоменуваат дека е неопходно да се преземат
мерки на претпазливост кај луѓето со BMI еднаков или над 40, а
избегнување инфекција со корона вирусот е најважна кај луѓето што
живеат со дебелина.
Заштите ги вашите сакани и останете дома ако сте болни од COVID-19.
Во случај на симптоми на COVID-19, сите се советуваат да ги следат
препораките од Светската
здравствена организација (СЗО) и од локалните здравствени власти.
Свесни сме дека здравствените власти и аптеките во некои земји прават
сè што можат за да овозможат лековите секогаш да бидат достапни за
оние на што им требаат. Ние сме во постојан контакт со нашите
соработници за да го следиме нивото на залихи и да преземеме соодветни мерки.
И затоа што може да биде навистина тешко да останете дома и да се
соочите со неизвесноста, ние поразговаравме со д-р Мајкл Вилис,
здравствен психолог и вонреден професор по семејна медицина на
Универзитетот Далхаузи во Канада за да ги дознаеме неговите сознанија
за емоционалните реакции што ги имаа луѓето за време на пандемијата со
корона вирусот, а што може да се направи во врска со тоа, погледнете
во Справување во
периодот на пандемијата со COVID-19.
