Навистина многу луѓе се обидуваат сами да се справат со тежината, но не мора да биде така. Дебелината е хронична болест и справувањето со неа е процес што трае во текот на целиот живот.

Започнувањето разговор со вашиот лекар или со здравствен работник кој е едуциран за дебелината може да ви ги отвори вратите за третмани и терапии за кои можеби не сте знаеле или пак не сте ги зеле предвид.

За да ви биде појасна сликата што значи план за третман, прашајте го вашиот лекар како вообичаено им помага на пациентите да ги постигнат своите здравствени цели. Бидете подготвени да разговарате за историјата на вашата телесна тежина и за очекувањата во иднина.

Вашиот лекар треба да ви помогне да ги одредите сите важни и реални цели што одговараат на планот за слабеење. За подобро да се подготвите, прашајте го тимот од здравствени работници што може да очекувате во текот и на крајот од третманот.

Може многу да ви користи да го поставите ова прашање бидејќи лекарот ќе ви понуди повеќе различни терапии, понекогаш во комбинација. Целта е да се изберат третмани кои најдобро ги решаваат причините за зголемувањето на телесната тежина, како што се вашата биологија, психологија и однесување.

Ова е важно прашање бидејќи ниту еден пристап не функционира подеднакво за секого. Вашиот лекар ќе ги земе предвид околностите, здравствената состојба и претходните третмани за да утврди кои типови тестови, процени и третмани одговараат на вашиот план за слабеење.

Дали сте го провериле индексот на телесната маса (BMI)? Откријте дали тежината ве става во категоријата со прекумерна тежина.

Вашиот лекар ќе ве советува колку често треба да одите на контрола во зависност од планот за третман. Прегледите се наменети да ве поддржат, да го следат вашиот напредок и ако треба да ви се смени третманот.

Можеби прегледот нема секогаш да го прави лекар, зашто и другите здравствени работници што работат во тимот со вашиот лекар се исклучително значајни и не треба да се занемарат.

Трошоците за намалување на телесната тежина што ги покриваат здравствените системи се многу различни и се разликуваат во секоја земја. За да не се изненадите непријатно, важно е уште на почетокот да знаете колкаво ќе биде финансиското оптоварување од третманот. 

Дебелината е сложена хронична болест. Треба да знаете дека вашиот лекар има повеќе пристапи со кои може да ви помогне да успеете да ослабете. Во случај планот за третман да не ги задоволува очекувањата за намалување на тежината, лекарот ќе го направи да биде соодветен за вас.

Можеби изгледа како многу директно прашање, но важно е да чувствувате дека сте во добри раце. Потребен ви е лекар кој ќе ви биде вистински партнер, ќе биде во постојан контакт со вас и ќе ја дели одговорноста за вашиот успех.

Важно е да запомните дека целите што сте си ги поставиле за да ослабете нема да се остварат преку ноќ. Но вашиот лекар ќе ви помогне да почнете уште денеска. Некои терапевтски опции вклучуваат здрава исхрана и зголемена физичка активност.

Дебелината може да се поврзе со генетиката и важно е да бидете свесни за генетските фактори што можат да влијаат на процесот на слабеење. Разговарајте со вашиот лекар за да дознаете како можете да ги подобрите исхраната и начинот на животот врз основа на наследените генетски карактеристики и да ги постигнете целите за намалување на тежината.

Вашиот лекар ќе може да процени кога ќе ги постигнете целите за намалување на тежината. Процената на лекарите најчесто се заснова на различни фактори, како што се очекувањата за намалување на тежината, начинот на животот и сите постоечки медицински состојби.

Замолете го вашиот лекар да ве упати кај други професионалци. Диететичарите, психолозите и физиотерапевтите можат да ви помогнат.

Покрај пријателите, семејството и вашиот тим здравствени работници, има многу локални и онлајн групи за поддршка. Вклучувањето на други луѓе е одличен начин да останете на вистинскиот пат кон целната телесна тежина додека разменувате искуства, за да бидете и натаму мотивирани.

Ако ги знаете и разберете здравствените придобивки од вашиот план за слабеење, ќе бидете мотивирани. Добрата вест е дека дури и мало намалување на тежината од пет проценти или повеќе може да има позитивно влијание врз здравјето.

Ако в рака имате список на важни прашања кога ќе одите на преглед кај лекар, тоа ви дава почетна точка за решавање на потенцијални здравствени проблеми.

Поставувањето на вистинските прашања на вашиот лекар е само почеток.

Потсетете се зошто решивте да се посветите на планот за слабеење и да работите со вашиот лекар за да ги остварите целите.

На патот кон намалување на телесната тежина секогаш има пречки и предизвици. Но не мора да го правите тоа сами.

Овие прашања ќе ви помогнат да се подготвите. Почнете го патот до вашата целна телесна тежина со закажување преглед кај вашиот лекар.

Преземете ја листата со 13 прашања што треба да му ги поставите на вашиот лекар.